श्री सेवगिरी महाराज देवस्थान ट्रस्ट हे श्री सेवागिरी महाराजांच्या पवित्र नावाने ओळखले जाते. श्री सेवागिरी महाराज मूळचे गुजरात राज्यातील जुनागड, गिरनार येथील असून, आपल्या गुरु श्री पूर्णगिरी महाराजांच्या आदेशानुसार भारत भ्रमण करीत सन १९०५ मध्ये पुसेगाव येथे आले. पुसेगावलाच त्यांनी आपली कर्मभूमी मानली.

महाराजांनी समाजामध्ये भक्तीभाव जागृत करताना श्रद्धा, सेवा व नम्रता हाच खरा उपासनेचा मार्ग असल्याची मानवतावादी शिकवण दिली. आपल्या दिव्य कार्यातून त्यांनी अनेक अलौकिक चमत्कार घडवून भक्तांवर कृपावृष्टी केली. दिनांक १० जानेवारी १९४८ रोजी त्यांनी संजीवन समाधी घेतली.

श्री सेवागिरी महाराजांच्या कार्याचा प्रचार व प्रसार करण्याच्या उद्देशाने, त्यांच्या पश्चात सन १९७२ मध्ये श्री सेवागिरी महाराज देवस्थान ट्रस्टची स्थापना करण्यात आली.